NB! Ny dato!

Skriv sjølv og ta vare på minna!

Treng du litt inspirasjon og gode råd for å kome i gang med å skrive om minna dine? Verda er i rask endring, og kanskje du er ein av dei som tenkjer på at me må ta vare på minna frå i går, for barn og barnebarn.

Kristi Kinsarvik har ein mastergrad i faglitterær skriving og har sjølv skrive boka Barndom mellom øst og vest som handlar om oppveksten hennar. No kjem ho til Ål bibliotek for å halde skrivekurs. Korleis kan me hugse meir enn me trur, og korleis kan me kontrollere at det me skriv er rett? Dessutan kan du få nokre gode råd om korleis du kan ta vare på det du har skrive. Ho vil òg lese litt frå si eiga bok.
Kristi har laga eit enkelt kurs for folk som vil skrive om sin eigen barndom og familie, og mange har kome i gang med å skrive. Det å ta vare på minne frå sitt eige liv er til glede for både ein sjølv og etterkomarar.

Kurset varar i 2,5 timar.
Enkel servering.

Kurset er gratis, men meld deg på ved å “kjøpe” ein gratisbillett i eBillett eller i kulturhusskranken.


Arrangør er Ål bibliotek og Ål frivilligsentral.