For 12 år gamle Tuni har hunden Salto og den småfrekke katten Pus heilt eigne stemmer. Saman tek dei henne med ut på nye eventyr, og Tuni bestemmer seg for å lage ei bucketliste over ting ho har lyst til å gjere. På lista hamnar alt mogleg – frå å danse i regnet og starte perlesalg, til å køyre motorsykkel som ein ekte helt. Med humor, fantasi og eit galleri av snakkande dyr – stemmelagt av mellom andre Jan Gunnar Røise, Hilde Lyrån, Ulrikke Brandstorp og Scott Maurstad – følgjer filmen korleis Tuni og Salto finn nye måtar å fylle livet med glede, sjølv når kjenslene dei står i er store. Salto, Pus & bucketlisten er ein varm, leiken og rørande familiefilm om vennskapet mellom barn og dyr, om å våge å drøyme, og om krafta i små prosjekt som kan endre ein heil kvardag. Ein film som får både store og små til å smile – og kanskje lage si eiga bucketliste når dei kjem ut av kinosalen.