Ta kontakt for tilbod og reservasjonar på aal.kulturhus@hallingnett.no
eller telefon 32 08 51 00.
**
Storesalen
Storesalen har 325 plassar og er ein fast amfisal med scene og orkestergrav. Salen blir nytta som kinosal i tillegg til kulturarrangement og seminar/foredrag. Leige av salen inkluderer bruk av garderobar, projektor, lysrigg og lydutstyr som er tilgjengeleg på huset.
Veslesalen
Veslesalen har opptil 90 plassar og er ein sal med fast amfi og utan scene. Salen er mest brukt som kinosal og konferansesal, men blir også brukt som konsertsal. Leige av salen inkluderer projektor, lysrigg og lydutstyr som er tilgjengeleg på huset.
Sprang
Sprang (nybygg, ferdig våren 2020): har 180 plassar i uttrekkbart amfi, eller ca 300 ståande publikummarar. Salen er spesialdesigna for produksjon og framføring av folkemusikk og folkedans med akustisk klanganlegg og golv av høgste kvalitet. Rommet kan og bli nytta til konsertar, møte eller selskap. Leige av salen inkluderer projektor, lysrigg og lydutstyr som er tilgjengeleg på huset.
Galleri Syningen
Galleri Syningen er eit kunstgalleri med skiftande utstillingar. Galleriet blir òg brukt som festsal, konsertsal og møterom. I Galleri Syningen er det plass til om lag 80-100 personar. Lokalet kan bli sett opp med bord/stolar og evt. projektor ved behov. Leige av galleriet inkluderer projektor, opp- og nedrigg av bord og stolar. Om Galleri Syningen: Galleri Syningen syner 8-10 utstillingar årleg - fire av dei i regi av Ål kunstforening. Galleriet presenterer arbeid av både amatørar og profesjonelle kunstnarar, og du kan oppleva kunstformer som grafikk og måleri, smykker, foto, skulptur og tekstilkunst, m.m.
Galleriet Syningen er ca 100 m² stort, ligg sentralt plassert i Ål kulturhus, og er lett tilgjengeleg med rullestol og barnevogn. Rommet har rausta tak, og takhøgda er frå 2,3 til 5,7 meter. Galleriet har fast opningstid kl. 08-16 alle kvardagar. I tillegg er galleriet ope i helger og på kveldstid i samband med kino og kulturarrangement.
Ynskjer du å stille ut i Galleri Syningen? Me tek gjerne imot søknader om utstillingsplass. Legg ved CV / informasjon + nokre foto av arbeida dine, og send det pr e-post til: tone.oppsato@aal.kommune.no eller ring tlf 32 08 51 00 / 98 47 95 45.
Nesch-museet
Nesch-museet: med kunst av den tysk-norske grafikaren Rolf Nesch (1893-1975). Galleriet husar verdas største, permanente, offentlege utstilling av kunsten til Nesch. I museet, som opna i 1993, kan du sjå både teikningar, måleri, grafikk, skulpturar og materialbilete og lære meir om denne fantastiske, verdskjende kunstnaren som budde i Ål i over 20 år.
If you want to see art by the internationally known German-Norwegian artist Rolf Nesch (1893-1975), you are welcome to visit Ål kulturhus. Here you can see the world's largest exhibition of Nesch's works. In the museum (opened in 1993), you can enjoy both drawings, paintings, sculptures, collages and graphics, and learn more about this fantastic artist who lived in Ål for over 20 years.
Les meir om Nesch-museet her
Hallingrosa
Hallingrosa er ei unik rosemålingsutstilling i eit rom som også kan fungere som møtelokale for opptil 8 personar.
Skarvet
Møterom inne i administrasjonsfløyen for 8-10 personar. Skjerm for oppkobling til PC.
Dyna
Møterom på hemsen over Galleri Syningen for 12-14 personar. Skjerm for oppkobling til PC.
Brea
Møterom på hemsen over administrasjonsfløyen for 12-14 personar. NB! Ingen skjerm for oppkobling til PC.
Skålen
Backstagerom for Storesalen, men også brukt som møterom. Plass til opp mot 50 personar, avhengig av type oppsett av bord/stolar.
Kvit vegg som kan brukast til visning via projektor.
(Foto manglar)