Røtneims-Knut, leug og mjuk
det finst ikkje nokon som kasta han ut
inkji i Hemsedal, inkji i Gol
inkji på Tørpo og inkji i Hol

Kjelde: Gunnlaug Lien Myhr - Folkesong i Hallingdal

Stordansaren frå garden Rotneim var både «leug og mjuk» og gjekk frikar på leikskeid og dansefetar. Han var kjent for å gjera svært høge kast. Det var få som kunne kappast med han. Samstundes var han ein alkefant. Det enda ofte med slåsting og endå til knivstikking. Slik kom han på kant med både sambygdingar, lensmann og prest.

Knut Andresson (1810-1851) kom frå Perigarden på Rotneim. Difor namnet Rotneims-Knut. Dette er forteljinga om korleis Rotneims-Knut levde eit utagerande og rastlaust liv som enda på tragisk vis. Forteljinga byggjer i all hovudsak på faktiske hendingar, men innhaldet er oppdikta. Korleis hadde han det, Rotneims-Knut? Og korleis var han å vera i lag med? Ja, kva tenkte kona hans, Margrete, om samlivet deira?

Manus og regi: Eldgrim Springgard 
Musikalsk ansvar: Helga Myhr 
Koreografi: Vetle Springgard 

I hovudrollene: Ådne Geicke Kolbjørnhus, Vetle Springgard, Margit Myhr, Eirik Fuglesteg Luksengard. Silje Risdal Liahagen, Brigitte Blomlie, Helga Myhr, Åsmund Fauske Jøtun

Ensemble: Andrea Søgnen, Erlend Opheim Berg, Ingrid Jøtun Fauske, Ingrid Svensgård, Liv Anne Berget, Diis-Eirin Moholt Kolsrud, Tyra Moholt Langehaugen, Nikolaj Bo Fischer Nielsen, Gjermund Stræte Lie, Ola Storøygard, Rannveig Øygardslia

Lysdesign: Sture Moslåtten 
Lyddesign: Tor Magne Hallibakken 

Produsert av Sprang 

Støtta av Sparebankstiftelsen DnB

Foto: Knut Utler