John-Reier Martinsen deltok under sprengingsforsøket av brua over Tverrelvdalen i Alta 20. mars 1982, saman med Niillas A. Somby, som mista ein arm og eit auge i eksplosjonen. Gjennom dokumentaren møter me både Somby og fleire andre politiske aktivistar frå same periode, og får eit innblikk i den stadig aukande politiske spenninga som foregjekk i og rundt Alta på 80-talet. Me møter også den tidlegare kjærasten til John-Reier, Mari Boine, og ein av vår tids viktigaste samepolitiske aktivistar, Ella Marie Hætta Isaksen, som dreg liner til dagens situasjon. Forteljarstemme er Stig Henrik Hoff.